ނޭޝަނަލް އިންޓެގްރިޓީ ޕްލޭން ތަންފީޒުކުރުމުގައި ދިމާވާ މައްސަލަތަކާއި، ދަތިކާއި، އުނދަގޫތައް އަދި އާ ކަންކަން ޕްލޭން ތަންފީޒުކުރަމުންދާ ހުރިހައި އިދާރާތަކެއްގެ މެދުގައި ޙިއްޞާކުރެވޭނެ ގޮތްތަކަކީ؛
- ދާއިރާތަކުގެ (ސެކްޓަރތަކުގެ) މެދުގައި ބޭއްވޭ ކުއަރޓަރލީ ބައްދަލުވުންތައް
- ހުރިހައި އިދާރާތަކުގެ މެދުގައި ބޭއްވޭ އަހަރީ ބައްދަލުވުން
- ވަކި އިދާރާތަކާ އެކު ބޭއްވޭ ބައްދަލުވުންތައް
މިފަދަ ބައްދަލުވުންތައް އިންތިޒާމުކޮށް ކުރިއަށްގެންދާނީ، މުޅި ޕްލޭން ތަންފީޒުކޮށް ހިންގުމުގެ އެންމެ އިސްމަސްއޫލިއްޔަތު ލިބޭ ފަރާތުންނެވެ. ބައްދަލުވުންތަކުގެ އަލީގައި ފާހަގަކުރެވޭ ކަންކަމާއި، ގުޅިގެން ތަންފީޒުކުރެވެމުންދާ ޙަރަކާތްތަކަށް ގެންނަންޖެހޭ ބަދަލުތައް ދެނެގަނެ، ތަންފީޒުކުރަމުންދާ ފަރާތްތަކަށް އެކަންކަން އަންގާނީ، ޤައުމީ ލެވެލްގައި ޕްލޭން ތަންފީޒުކުރެވެމުންދާވަރު މޮނީޓަރކުރަމުންދާ ތަންފީޒުކޮށް ހިންގުމުގެ އެންމެ އިސްމަސްއޫލިއްޔަތު ލިބޭ ފަރާތެވެ.