ރާއްޖޭގެ ނެޝަނަލް އިންޓެގްރިޓީ ޕްލޭންގެ މައިގަނޑު އަސާސްތައް ބިނާވެފައިވަނީ އަންނަނިވި ކަންކަމުގެ މައްޗަށެވެ.
- ކަރަޕްޝަނާ ދެކޮޅަށް ހުރިހާ މުއައްސަސާއެއް ގުޅިގެން މަސައްކަތް ކުރުން
- މަޤާމުގެ ނުފޫޒު ބޭނުންކޮށްގެން ތިމާ ނުޙައްޤު މަންފާއެއް ނުހޯދުމާއި އަދި އެހެން މީހަކަށް އެފަދަ މަންފާއެއް ހޯދައި ނުދިނުން އަދި އެފަދަ ކަމެއްގައި އެއްވެސް މުއައްޒަފަކު ބައިވެރިނުވުން
- ދައުލަތުގެ މުއައްސަސާތަކުގެ ހިންގުން ހަލުއިކޮށް ރައްޔިތުންނަށް ޚިދުމަތް ދިނުމުގައި ފަސޭހަ އަދި ލުއި ގޮތްތައް ތަޢާރަފްކުރުން
- އެކިއެކި ޚިދުމަތްތައް ރައްޔިތުންނަށް ފޯރުވައިދެވޭނެ ގޮތްތައް ދިރާސާކޮށް ދެފުއްފެންނަ ޒިންމާދާރު ފަސޭހަ އުޞޫލުތަކަކަށް ދައުލަތުގެ މުއައްސަސާތަކުގެ މަސައްކަތްތައް ބައްޓަންކުރުން
- މަސައްކަތުގެ އަޚްލާޤާއި ސުލޫކީ މިންގަނޑުތައް އެކުލަވާލާ ތަންފީޒުކޮށް ގުޑްގަވަނަންސް ވަރުގަދަކުރުން
- ޢާއިލީ ގުޅުންތައް ބަދަހިކޮށް އުފާވެރި ކުށްމަދު މުޖްތަމަޢެއް ބިނާކުރުން
- ރައްޔިތުންގެ ދިރިއުޅުމުގެ ޢާންމު ޙާލަތު ރަނގަޅުކޮށް ފެންވަރު ރަނގަޅު ކުރުމަށް މަސައްކަތްކުރުން
- ކޮރަޕްޝަނާގުޅޭ މައްސަލަތައް ކަމާބެހޭ އިދާރާތަކަށް ރިޕޯޓުކޮށް، ޖިނާއީ ޢަދުލުގެ ނިޒާމުގެ ތެރެއިން ތަޙްޤީޤުކޮށް ދަޢުވާއުފުލާ އަދަބުދީ އިޞްލާހްކޮށް ތަފާތުކުރުމެއްނެތި ހަމަހަމަކަމާއެކު ފިޔަވަޅު އެޅުން
- ނަޒާހަތްތެރިކަން އިތުރުކޮށް ކޮރަޕްޝަނާ ދެކޮޅަށް ކުރެވޭ މަސައްކަތްތަކުގެ ރެކޯޑުތައް ޢާންމުކޮށް، މުވައްޒަފުން ހޭލުންތެރިކުރުން