ކުރިޔަށް އޮތް 5 އަހަރަށް އަމާޒުކޮށްގެން އެންޓި-ކޮރަޕްޝަން ކޮމިޝަނުން އިސްނަގައިގެން ދައުލަތުގެ އިދާރާތަކާއި އަމިއްލަ ފަރާތްތަކާ ގުޅިގެން ތައްޔާރުކުރަމުންދާ ނޭޝަނަލް އިންޓެގްރިޓީ ޕްލޭނަށް ޚިޔާލު ހުށަހެޅުމުގެ ފުރުޞަތު އާންމުންނަށް މިއަދު ހުޅުވާލައިފިއެވެ. ދައުލަތުގެ އިދާރާތަކުގެ ނަޒާހަތްތެރިކަން ކުރިއެރުވުމުގެ މަޤްޞަދުގައި ތައްޔާރުކުރެވޭ މިޕްލޭން އެކުލެވިގެންވަނީ މައިގަނޑު 5 ސިޔާސަތެއްގެ މައްޗަށެވެ. އަދި ކޮންމެ ސިޔާސަތެއްގެ ދަށުން ޙާޞިލު ކުރަންޖެހޭ ލަނޑުދަނޑިތައް ޙާޞިލުކުރުމަށް މަގުފަހިވާނެ ގޮތަށް ގިނަ ސްޓެރެޓެޖީތަކެއްގެ މައްޗަށް ބިނާ ކުރެވިފައިވާ އެކްޝަން ޕްލޭނެއްގެ ޑްރާފްޓް މިހާރުވަނީ ތައްޔާރު ކޮށް އާންމުކޮށްފައެވެ. ދައުލަތުގެ ތަފާތު 31 އިދާރާއެއް އިސްފަރާތްތަކާ ޙިއްޞާ ކުރެވި އެފަރާތްތަކުގެ ޚިޔާލާ އެކު މިހާރު ތައްޔާރު ކުރެވިފައިވާ ޕްލޭންގެ ދެލިކޮޕީ އާންމުކޮށް ޝާއިޢު ކުރެވިފައިވަނީ ނޭޝަނަލް އިންޓަރގްރިޓީ ޕްލޭނަށް ޚާއްޞަކޮށްގެން އޭސީސީން ތައްޔާރުކޮށްފައިވާ ވެބްސައިޓުގައެވެ.
އަދި ކޮމެންޓުކުރުމަށް ބޭނުންވާ ފަރާތްތަކުން ކޮމެންޓު ހުށަހަޅާ ފޯމުފުރުއްވުމަށް ފަހު އޭސީސީއަށް އީ-މެއިލް، ފެކްސް މެދުވެރިކޮށް ނުވަތަ އެސީސީއަށް ޙާޟިރުވެގެންވެސް ޚިޔާލު ހުށަހެޅުއްވިދާނެއެވެ. މިގޮތުން ހުށަހަޅަން ބޭނުންވާ ޚިޔާލުތައް 2016 ޖެނުއަރީ 10 ވަނަ ދުވަހުގެ އޮފީސް ބަންދު ވުމުގެ ކުރިން އޭސީސީއަށް ހުށަހަޅުއްވަން ޖެހެއެވެ. ނޭޝަނަލް އިންޓަގްރިޓީ ޕްލޭންގެ ވެބްސައިޓުގެ އެޑްރެހަކީ http://nip.gov.mv އެވެ. އަދި އީމެއިލްއިން ޚިޔާލު ހުށަހަޅުއްވާނަމަ މެއިލް ކުރައްވާނީ nip@acc.gov.mv އަށެވެ.
ނޭޝަނަލް އިންޓެގްރިޓީ ޕްލޭނަށް ކޮމެންޓް ހުށަހަޅާ ފޯމް ޑައުންލޯޑްކުރުމަށް