ނަޒާހަތްތެރިކަމުގެ ޤައުމީ މަޝްރޫޢު

އެންޓި-ކޮރަޕްޝަން ކޮމިޝަނުން އިސްނަގައިގެން، ކުރިޔަށް އޮތް 05 އަހަރަށް ތައްޔާރު ކުރާ، ނޭޝަނަލް އިންޓެގްރިޓީ ޕްލޭން އެކުލަވާލުމުގެ މަސައްކަތުގައި ކޮމިޝަނާއެކު ބައިވެރިވާ އިދާރާތަކުގެ އިސްވެރިންނަށް އަމާޒުކޮށްގެން އެ އިދާރާތަކުގައި ޕްރެޒެންޓޭޝަން ސެޝަންތަކެއް ބާއްވައިފިއެވެ. މި ޕްރެޒެންޓޭޝަންތައް ބޭއްވިފައިވަނީ 30-12 އޯގަސްޓް 2015 އަށެވެ. މިހާތަނަށް މި ޕްރެޒެންޓޭޝަން ސެޝަންތައް ދައުލަތުގެ 15 އިދާރާއެއްގައި ވަނީ ބާއްވާފައެވެ.
އެ އިދާރާތަކަކީ ރައްޔިތުންގެ މަޖިލީހުގެ އިދާރާ، މިނިސްޓްރީ އޮފް ޓޫރިޒަމް އެންޑް ސިވިލް އޭވިއޭޝަން، އެޓަރނީ ޖެނެރަލްގެ އޮފީސް، މިނިސްޓްރީ އޮފް ހޯމް އެފެއަރޒް، މިނިސްޓްރީ އޮފް ހައުސިންގ އެންޑް އިންފްރާސްޓްރަކްޗަރ، މިނިސްޓްރީ އޮފް ފިޝަރީޒް އެންޑް އެގްރިކަލްޗަރ، މިނިސްޓްރީ އޮފް ޔޫތް އެންޑް ސްޕޯރޓްސް، މިނިސްޓްރީ އޮފް ހެލްތް، އިންފޮމޭޝަން ކޮމިޝަނަރުގެ އޮފީސް، ޕޮލިސް އިންޓެގްރިޓީ ކޮމިޝަން، ލޯކަލް ގަވަރންމަންޓް އޮތޯރިޓީ، ވަޒީފާއާ ބެހޭ ޓްރައިބިއުނަލް، ޓެކްސް އެޕީލް ޓްރައިބިއުނަލް، ކެޕިޓަލް މާރކެޓް ޑިވެލޮޕްމެންޓް އޮތޯރިޓީ، ޑިޕާރޓްމެންޓް އޮފް އިމިގްރޭޝަން އެންޑް އެމިގްރޭޝަންއެވެ. މި ސެޝަންތަކުގައި ނޭޝަނަލް އިންޓެގްރިޓީ ޕްލޭންގެ މައިގަނޑު އަސާސްތަކާއި މަޤުޞަދުތަކާއި، ޕްލޭންގައި ހިމެނެންޖެހޭ ސިޔާސަތުތަކާއި، ސްޓްރެޓެޖީތައް އަދި ބައެއް ނަމޫނާ ޙަރަކާތްތަކަށް ތަފްޞީލުކޮށް ބަލާލާފައިވެއެވެ. ކުރިއަށް އޮތް ތަނުގައި، މިފަދަ އިތުރު ސެޝަންތަކެއް ޕްލޭން އެކުލަވާލުމުގައި ބައިވެރިވެލައްވާ އިދާރާތަކުގެ އިސް މުވައްޒަފުންނަށް އަމާޒުކޮށްގެން ކުރިޔަށް ގެންދިއުމަށް ވަނީ ރާވާފައެވެ.

ކުރިޔަށް އޮތް 05 އަހަރަށް ތައްޔާރު ކުރެވޭ، ނޭޝަނަލް އިންޓަގްރިޓީ ޕްލޭން އެކުލަވާލުމަށް ދައުލަތުގެ ކަމާބެހޭ މުއައްސަސާތަކާއެކު ކުރިއަށް ގެންދާ ސިލްސިލާ ބައްދަލުވުން ތަކުގެ ތެރެއިން 3 ވަނަ ބައްދަލުވުން 05 އޯގަސްޓް 2015 ގައި އޭސީސީގައި ބާއްވައިފިއެވެ.
ނޭޝަނަލް އިންޓަރގްރިޓީ ޕްލޭނަކީ ދައުލަތުގެ މުއައްސަސާތަކުގެ ނަޒާހަތްތެރިކަން އިތުރުކުރުމަށް އޭސީސީން އިސްނަގައިގެން ދައުލަތުގެ އިދާރާތަކާއި އަދި ބައެއް އަމިއްލަ ފަރާތްތަކާ ގުޅިގެން ކުރިއަށް ގެންދާ މަސައްކަތެކެވެ.
މި ބައްދަލުވުމުގައި ދިވެހިރާއްޖޭގެ ސްޕްރީމް ކޯޓު، މިނިސްޓްރީ އޮފް ހައުސިންގ އެންޑް އިންފްރާސްޓްރަކްޗަރ، މިނިސްޓްރީ އޮފް އިސްލާމިކް އެފެއާޒް، ސިވިލް ސަރވިސް ކޮމިޝަން، ޖުޑީޝަލް ސަރވިސް ކޮމިޝަން، އިލެކްޝަން ކޮމިޝަން، މޯލްޑިވްސް އިންލަންޑް ރެވެނިޔު އޮތޯރިޓީ، މޯލްޑިވްސް ސިވިލް އޭވިއޭޝަން އޮތޯރިޓީ، މޯލްޑިވްސް ޕެންޝަން އެޑްމިނިސްޓްރޭޝަން އޮފީސް، ޑިޕާޓްމެންޓް އޮފް އިމިގްރޭޝަން އެންޑް އެމިގްރޭޝަން، މޯލްޑިވްސް އިސްލާމިކް ޔުނިވަރސިޓީ، ނޭޝަނަލް ސެންޓަރ ފޮރ އިންފޮމޭޝަން ޓެކްނޯލޮޖީން ބައިވެރިވެ ވަޑައިގެންނެވިއެވެ.

15 ޖުލައި 2015 ގައި ފެށި، ކުރިޔަށް އޮތް 05 އަހަރަށް ތައްޔާރުކުރެވޭ، ނަޒާހަތްތެރިކަމުގެ ޤައުމީ ޕްލޭން އެކުލަވާލުމުގެ ދެވަނަ ފިޔަވަހީގެ މަސައްކަތުގެ ދަށުން، ސްޓޭކްހޯލްޑަރުންނާއެކު ބޭއްވެމުންދާ ބައްދަލުވުންތަކުގެ ތެރެއިން 2 ވަނަ ބައްދަލުވުން، 23 ޖުލައި 2015 ވީ ބުރާސްފަތި ދުވަހު ހެނދުނު 10:30 ގައި އެންޓި-ކޮރަޕްޝަން ކޮމިޝަންގެ ކޮންފަރެންސް ރޫމްގައި ބާއްވައިފިއެވެ. މި ބައްދަލުވުން ތަޢާރަފުކުރައްވަވައި މަރުޙަބާދެންނެވީ އެންޓި-ކޮރަޕްޝަން ކޮމިޝަންގެ މެންބަރު އާމިނަތު މިންނާއެވެ. އެއަށްފަހު، އިންޓެގްރިޓީ ޕްލޭނާބެހޭ ޕްރެޒެންޓޭޝަން ހުށަހަޅައިދެއްވެވީ މި ޕްރޮޖެކްޓް ގެ ކޯރޑިނޭޓަރ އ.ރިސާރޗް އޮފިސަރ އާދަމް ޝާމިލް އެވެ. އެއަށްފަހު ބައްދަލުވުމުގެ ބައިވެރިން ޚިޔާލުފާޅުކުރުމުގެ ފުރުޞަތުވަނީ ދެވިފައެވެ. މި ބައްދަލުވުން ނިމިގެން ދިޔައީ ޕްލޭންގެ ދެލިކޮޕީއަށް ޚިޔާލު ހުށަހެޅުމަށް 1 މަސް ދުވަހުގެ މުއްދަތަކަށް އެއްބަސްވެވިގެންނެވެ. މި ބައްދަލުވުމުގައި ބައިވެރިވެ ވަޑައިގެންނެވި އޮފީސްތަކުގެތެރޭގައި މިނިސްޓްރީ އޮފް ފޮރިންގ އެފެއަރޒް، ޕްރޮސެކިއުޓަރ ޖެނެރަލްގެ އޮފީސް، ލޯކަލް ގަވަރންމެންޓް އޮތޯރިޓީ، މޯލްޑިވްސް ކަރެކްޝަނަލް ސަރވިސް، ޓެކްސް އެޕީލް ޓްރައިބިއުނަލް، ވަޒީފާއާ ބެހޭ ޓްރައިބިއުނަލް، ޑިޕާޓްމެންޓް އޮފް ހަޔަރ އެޑިޔުކޭޝަން އަދި ކެޕިޓަލް މާރކެޓް ޑިވެލޮޕްމެންޓް އޮތޯރިޓީ ހިމެނެއެވެ.
ނޭޝަނަލް އިންޓެގްރިޓީ ޕްލޭނަކީ، އެންޓި-ކޮރަޕްޝަން ކޮމިޝަންގެ ސްޓްރެޓީޖިކް އެކްޝަން ޕްލޭން 2015-2019 އިން އޭގެ ސިޔާސަތު 06 (ނަޒާހަތްތެރި އަދި ހޭލުންތެރި މުޖުތަމަޢުއެއް ބިނާކުރުން) ގެ ސްޓްރެޓެޖީ 01 ( ނަޒާހަތްތެރިކަން ކުރިއެރުވުމަށް ހިތްވަރުދީ ނަޒާހަތްތެރި ޘަޤާފަތެއް މުޖުތަމަޢުގައި އަށަގެންނެވުން) ގެ ޙަރަކާތް 01 (ޤައުމީ އިންޓެގްރިޓީ ޕްލޭން އެކުލަވާލާ ތަންފީޒުކުރުން) ގެ ގޮތުގައި އުފަންކުރުވާ، ޤައުމީ ފެންވަރުގެ ނިޒާމެކެވެ. މިގޮތުން އެކުލަވާލެވޭ ޕްލޭނުގައި ދައުލަތުގެ އިދާރާތަކުގެ ބައިވެރިވުމާއެކު، ދައުލަތް ހިންގުމުގައި ތެދުވެރިކަމާއި އަމާނާތްތެރިކަން ކުރިއަރުވައި، ދައުލަތުގެ ތިންބާރާއި ދައުލަތުގެ އެންމެހާ މުއައްސަސާތަކުގެ ހިންގުމުގައި ޑިމޮކްރެޓިކް ސިފަތައް އަށަގެންނެވުމަށް ބާރު އަޅައި، އިސްލާމްދީނުގެ މަތިވެރި ޢަޤީދާގެ މަތީގައި ފުރިހަމައަށް ފައިތިލަ ސާބިތުކޮށް އިންޓަރނޭޝަނަލް ބެސްޓްޕްރެކްޓިސްއަކީ ދައުލަތުގެ ހުރިހާ މުއައްސަސާތަކަކުންވެސް އިޙްތިރާމްކުރާ އަސާސްތަކެއްކަމުގައި ހެދުމަށާއި، އެކުވެރި ބަދަހި މުޖްތަމަޢެއް ބިނާކުރުމަށް ޚާއްޞަ ޙަރަކާތްތަކެއް ހިންގުން ހިމެނޭނެއެވެ