އެންޓި-ކޮރަޕްޝަން ކޮމިޝަނުން އިސްނަގައިގެން، ތައްޔާރުކުރަމުންދާ ނޭޝަނަލް އިންޓެގްރިޓީ ޕްލޭންގެ 4 ވަނަ ދެލިކޮޕީ އެންޑޯޒުކުރުމަށްޓަކައި ދައުލަތުގެ އިދާރާތަކާއެކު ދެވަނަ ބައްދަލުވުން ބާއްވައިފިއެވެ. މި ބައްދަލުވުން ބޭއްވުނީ 11 ފެބްރުވަރީ 2005 ވީ ބްރާސްފަތި ދުވަހު ހެނދުނު 10:30 ގައި އެންޓި-ކޮރަޕްޝަން ކޮމިޝަންގައެވެ.
މި ބައްދަލުވުމުގައި މިޕްލޭންގެ ފުރަތަމަ ދެލިކޮޕީއިން ފެށިގެން 4 ވަނަ ދެލިކޮޕީއާ ހަމައަށް ޕްލޭން އުފެއްދުމަށް ކުރެވިފައިވާ މަސައްކަތްތަކާއި 2016 ވަނަ އަހަރު މިޕްލޭންގެ ދަށުން ކުރިއަށް ގެންދިއުމަށް މަސައްކަތް ކުރަމުންދާ މައިގަނޑު މަސައްކަތްތަކާ ގުޅޭގޮތުން ޕްރެޒެންޓޭޝަނެއް އޭސީސީގެ ފަރާތުން ވަނީ ހުށަހަޅާފައެވެ.
މި ބައްދަލުވުމުގައި މޯލްޑިވްސް އިންލަންޑް ރެވެނިއު އޮތޯރިޓީ، ޓެކްސް އެޕީލް ޓްރައިބިއުނަލް، ވަޒީފާއާ ބެހޭ ޓްރައިބިއުނަލް، ދިވެހިރާއްޖޭގެ އިސްލާމީ ޔުނިވަރސިޓީ، މޯލްޑިވްސް ކަސްޓަމްސް ސަރވިސް، ސްޓޭޓް ޓްރޭޑިންގ އޯގަނައިޒޭޝަން، ސްޓޭޓް އިލެކްޓްރިކް ކޮމްޕެނީ، ހައުސިންގ ޑިވެލޮޕްމަންޓް ފައިނޭންސް ކޯޕަރޭޝަން، ފެނަކަ ކޯޕަރޭޝަން، މޯލްޑިވްސް ޕޯޓްސް ލިމިޓެޑް، މޯލްޑިވްސް ޓްރާންސްޕޯޓް އެންޑް ކޮންސްޓްރަކްޝަން ކޮމްޕެނީ، މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ، މޯލްޑިވްސް އެއަރޕޯޓްސް ކޮމްޕެނީ ލިމިޓެޑް، ދިވެހިރާއްޖޭގެ ގުޅުން ޕލސ، އައިލެންޑް އޭވިއޭޝަން ސަރވިސަސް، ބޭންކް އޮފް މޯލްޑިވްސް ޕލސ އެވެ.